భూసార పరీక్షా కేంద్రాన్ని ఏర్పాటు చేస్తాం..

దిశ, గజ్వేల్ : గజ్వేల్ నియోజకవర్గ పరిధిలో రూ.18 లక్షల వ్యయంతో ఆధునాతన భూసార పరీక్షా కేంద్రాన్ని త్వరలోనే ప్రారంభిస్తామని మంత్రి హరీశ్ రావు తెలిపారు. సిద్దిపేట జిల్లా వ‌ర్గ‌ల్ త‌హ‌సీల్దార్ కార్యాల‌యాన్ని మంత్రి శుక్ర‌వారం ఆక‌స్మికంగా సంద‌ర్శించారు. ఈ సంద‌ర్భంగా ధ‌ర‌ణి పోర్ట‌ల్ ద్వారా జ‌రిగిన భూ క్రయ, విక్ర‌యాల వ్య‌వ‌హారాన్ని ప‌రిశీలించారు.

అనంత‌రం మంత్రి మాట్లాడుతూ.. గ‌జ్వేల్ నియోజ‌క‌వ‌ర్గ ప‌రిధిలో భూసార ప‌రీక్షా కేంద్రాన్ని ఏర్పాటు చేయ‌నున్న‌ట్లు చెప్పారు. సాయిల్ టెస్ట్ కేంద్రాన్ని నియోజకవర్గ రైతులు సద్వినియోగం చేసుకోవాలన్నారు. ఈ కార్యక్రమంలో మంత్రి వెంట ఎఫ్డీసీ చైర్మన్ వంటేరు ప్రతాప్ రెడ్డి, జిల్లా అదనపు కలెక్టర్ పద్మాకర్, గజ్వేల్ ఆర్డీఓ విజయేందర్ రెడ్డి, తహశీల్దార్ వాణి పాల్గొన్నారు.