కమిషనర్ బౌలింగ్‌లో ఇరగదీసిన హరీశ్ రావు
దిశ, వెబ్‌డెస్క్: సిద్దిపేట స్టేడియంలో డే అండ్ నైట్ క్రికెట్ మ్యాచ్‌ను ఆదివారం మంత్రి హరీశ్ రావు ప్రారంభించారు. అనంతరం సిద్దిపేట మినీ ట్యాంక్‌బండ్‌పై చిన్నారులతో మ్యూజిక్ ప్లే చేస్తూ… సరదాగా కాసేపు కలియదిరిగారు. ఆదివారం సెలవుదినం కావడంతో ట్యాంక్ బండ్ పర్యాటకుల సందర్శనతో నిండిపోయింది. నిత్యం రాజకీయాలు, ప్రభుత్వ కార్యక్రమాలతో బిజీగా గడిపే హరీశ్ రావు పర్యాటకులతో ప్రశాంతంగా గడిపి, సందర్శకులతో కాసేపు ఆత్మీయంగా ముచ్చటించారు.
అనంతరం రాత్రి మెదక్ ఎస్పీ పోలీస్ వర్సెస్ సిద్ధిపేట పోలీసు కమిషనరేట్ మధ్య జరిగిన 20 ఓవర్ల మ్యాచ్‌ను హరీశ్ రావు టాస్ వేసి ప్రారంభించారు. ఆటలో మమేకం అయి, ఒక ఓవర్ కూడా వేశారు. ఆ తర్వాత బ్యాటింగ్ చేసి, క్రీడాకారుల్లో ఉత్సాహాన్ని నింపారు. ఈ మేరకు సిద్ధిపేట పోలీసు కమిషనర్ జోయల్ డేవిస్ బౌలింగ్ చేయగా మంత్రి హరీశ్ రావు బ్యాటింగ్ చేసి విన్నూత్న షాట్లు కొడుతూ తన బ్యాటింగ్ శైలిని కనబర్చారు. అనంతరం మంత్రి బౌలింగ్‌లో కమిషనర్ కూడా అద్భుతమైన ఆటతీరును కనబర్చారు.
