ఇంట్రెస్టింగ్‌గా ‘కుతిరైవాల్’ టీజర్

దిశ, వెబ్ డెస్క్: తమిళ ఇండస్ట్రీ నుంచి మరో ఇంట్రెస్టింగ్ సినిమా వస్తుంది. ‘కుతిరైవాల్’ పేరుతో తెరకెక్కుతున్న సినిమా టీజర్ గురువారం రిలీజ్ అయింది. కళై యారసన్, అంజలి పాటిల్, చెతంకదంబి, ఆనంద్ సామి ప్రధాన పాత్రల్లో వస్తున్న చిత్రాన్ని పా రంజిత్ సమర్పిస్తుండగా..విఘ్నేష్ సుందరేషన్ నిర్మిస్తున్నారు. మనోజ్ లియోనల్ జాన్సన్, శ్యామ్ సుందర్ సంయుక్త దర్శకత్వంలో వచ్చేస్తున్న మూవీ సైకలాజికల్ మర్డర్ మిస్టరీ కాగా, టీజర్ భలే ఇంట్రెస్టింగ్‌గా ఉంది.

ఓ హోటల్ రూం‌లో పడుకున్న వ్యక్తికి ఎక్కడో అడవిలో ఉన్న గుర్రానికి మధ్య ఎలాంటి రిలేషన్ ఉంది అనేది కథ. ఇంత అందంగా ఉన్న గుర్రానికి తోక లేకపోవడం ఏంటి? అని ఓ వ్యక్తి ఆలోచిస్తున్న సమయంలో..ఆ తోక హోటల్ రూంలో ఉన్న వ్యక్తికి ఎలా వచ్చింది? ఎందుకు వచ్చింది?.ఇంతకీ హోటల్ రూంలో అతను ఎందుకు ఉన్నాడు? ఎంజీఆర్ మరణవార్త ప్రసారం అవుతున్న సమయంలో జరిగిన ఈ వింత పరిణామం గురించి కామెడీ వే లో ప్రజెంట్ చేయబోతున్నారు డైరెక్టర్స్. మొత్తానికి ఓ ఇంట్రెస్టింగ్ ఫుల్ లెంగ్త్ ఎంటర్టైన్మెంట్ అందించేందుకు రెడీ అవుతున్న సినిమా టీజర్ గురించి సినీ ప్రముఖులు కాంప్లిమెంట్స్ అందిస్తున్నారు. సూపర్ ఇంట్రెస్టింగ్‌గా ఉన్న టీజర్‌ను చూసిన ప్రముఖులు, ప్రేక్షకులు టీంకు ఖుదోస్ అంటూ..ఆల్ ది బెస్ట్ చెప్తున్నారు.