ఒక్క సినిమాకు అంత డిమాండ్ ఎందుకమ్మా..?
దిశ, వెబ్‌డెస్క్: బాలీవుడ్ భామ సోనాక్షి సిన్హా టాలీవుడ్ నిర్మాతలకు చుక్కలు చూపిస్తోందంట. మెగాస్టార్ చిరంజీవి- బాబీ కాంబోలో వస్తున్న ఒక చిత్రంలో సోనాక్షి హీరోయిన్ గా నటిస్తున్నట్లు కొన్నిరోజులుగా వార్తలు గుప్పుమంటున్నాయి. ఇక ఈ నేపథ్యంలోనే బాలీవుడ్ భామ పారితోషికం విషయంలో గట్టిగానే డిమాండ్ చేస్తున్నదట. ఈ ఒక్క సినిమాకు గాను సోనాక్షి ఏకంగా 4నుంచి 5కోట్లు అడుగుతోందనేది సమాచారం. అంతేకాకుండా వసతి, టికెట్లు, తనతో పాటే వచ్చే ఉద్యోగులకు ఇచ్చే వేతనాలు కూడా నిర్మాతనే భరించాలని డిమాండ్ చేసిందట. దీంతో ఆమె హీరోయిన్ గా తీసుకొనే విషయంలో మైత్రి మూవీ మేకర్స్ కొంత సందిగ్ధంలో పడినట్లు తెలుస్తోంది.
ఇక బాలీవుడ్ లో అవకాశాలు లేని భామ టాలీవుడ్లో ఒక్క సినిమా చేయడానికి ఇన్ని గొంతెమ్మ కోరికలు కోరడం సబబేనా అని టాలీవుడ్ వర్గాలు మండిపడుతున్నాయట. గతంలో కూడా రజనీకాంత్ నటించిన ‘లింగ’ సినిమాకు కూడా ఇవే కండిషన్లు పెట్టడం గమనార్హం. అయితే దీనిపై చిత్ర బృందం ఎలా స్పందిస్తుందో అనే విషయం వేచి చూడాల్సిందే.
