"వకీల్ సాబ్"కు ఇల్లీ బేబీ సెట్ అయ్యేనా?

గోవా బ్యూటీ ఇలియానా పవర్ స్టార్ పవన్ కళ్యాణ్ తో జతకట్ట నుందా? “జల్సా” కాంబినేషన్ రిపీట్ కానుందా? అంటే అవుననే వార్తలు వినిపిస్తున్నాయి టాలీవుడ్ ఫిల్మ్ ఇండస్ట్రీలో. పవన్ కమింగ్ బ్యాక్ సినిమా “వకీల్ సాబ్”లో… ఆయనకు జోడీగా చాలా మంది హీరోయిన్ల పేర్లు వినిపించాయి. ఈ మధ్య శృతి హాసన్ మరోసారి పవన్ తో జతకడుతుందట అనే వార్తలు వచ్చినా… అలాంటిదేమీ లేదని క్లారిటీ ఇచ్చింది శృతి. దీంతో ఇప్పుడు ఇలియానా పేరు తెరమీదకి వచ్చింది. కాగా వకీల్ సాబ్ లో పవన్ సరసన చేయబోయే హీరోయిన్ పాత్ర గురించి మొదటి నుంచి కష్టాలు ఉండనే ఉన్నాయి. కారణం ఓ చిన్నారికి తల్లి పాత్ర… పైగా ప్రాధాన్యత, నిడివి తక్కువ. దీంతో హీరోయిన్లు ఈ పాత్ర పట్ల ఇంట్రెస్ట్ చూపించలేదు.

మరి ఇలాంటి పాత్రను ఇల్లీ బేబీ ఒప్పుకుంటుందా? అంటే అనుమానమే. కానీ అసలు సినిమాలు లేకుండా ఖాళీగా ఉన్న ఇలియానా ఒప్పుకుందనే అంటున్నారు మరికొందరు. కాగా వకీల్ సాబ్ తర్వాత క్రిష్ డైరెక్షన్ లో ఒక సినిమా… హరీష్ శంకర్ దర్శకత్వంలో మరో సినిమా చేస్తున్నారు పవన్.

Tags : Pawan Kalyan, Ileana, Tollywood, Vakeel Saab