భావనపై సీనియర్ నటుడు కామెంట్స్
దిశ, వెబ్‌డెస్క్: ‘ఒంటరి, హీరో, మహాత్మ’ వంటి తెలుగు సినిమాలతో మలయాళ బ్యూటీ భావన మంచి నటిగా ప్రశంసలు అందుకుంది. మాలీవుడ్‌లో టాప్ హీరోయిన్‌గా రాణించిన ఆమెను నటుడు దిలీప్ కిడ్నాప్ చేసి లైంగికంగా వేధించాడన్న ఆరోపణలు ఎదుర్కొన్న విషయం తెలిసిందే. దీనిపై ఆమె కేసు పెట్టగా ఇండస్ట్రీ మొత్తం ఆమెకు సపోర్ట్‌గా నిలిచింది. అయితే తాజాగా మలయాళ మూవీ ఆర్టిస్ట్ అసోసియేషన్(AMMA) ప్రధాన కార్యదర్శి, నటుడు ఎడవెల బాబు చేసిన వ్యాఖ్యలు సంచలనంగా మారాయి. ఇండస్ట్రీలో నటులకు కోపం తెప్పిస్తుండగా.. ఇలాంటి మాటలు మాట్లాడేందుకు సిగ్గుండాలి అంటూ ఆగ్రహం వ్యక్తం చేస్తున్నారు.
అసలు ఏం జరిగింది?
అమ్మ (AMMA) ఆధ్వర్యంలో మలయాళ కంటెంట్‌తో కూడిన ఓటీటీ ప్లాట్‌ఫామ్ తీసుకువచ్చేందుకు ప్రయత్నాలు జరుగుతున్నాయి. అందుకు తగిన బిల్డింగ్‌తో పాటు ఫండ్స్ రెయిజ్ చేసేందుకు AMMA ఓ సినిమా చేయాలని నిర్ణయించింది. దీనిపై ఓ చానల్ ఇంటర్వ్యూ చేస్తూ ఇందులో నటి భావన యాక్ట్ చేస్తుందా? అని ప్రశ్నించింది. దీంతో బాబు.. ‘మేము చనిపోయిన వారిని తిరిగి తీసుకురాలేం’ అంటూ షాకింగ్ ఆన్సర్ ఇచ్చాడు. ఇది కాస్త వైరల్ కాగా, నటీనటులు సోషల్ మీడియాలో పోస్ట్‌లు పెడుతూ బాబును తిట్టిపోస్తున్నారు.
కాగా గతంలో AMMA ఆధ్వర్యంలో సినీ కళాకారులకు సహాయం చేసేందుకు ‘ట్వంటీ – 20’ అనే సినిమా రూపొందించారు. అందులో నటీనటులందరూ రెమ్యునరేషన్ తీసుకోకుండానే పని చేశారు. భావన కూడా అందులో కీలక పాత్రలో నటించింది. కాగా ఈ చిత్రాన్ని భావనపై ఎటాక్ చేసిన నటుడు, నిర్మాత దిలీప్ రూపొందించగా.. ఈ ఘటన తర్వాత తనను AMMA నుంచి సస్పెండ్ చేశారు. కానీ ఇప్పుడు మళ్లీ తనను తీసుకొచ్చేందుకు AMMA ప్రయత్నిస్తోంది. ఈ క్రమంలోనే భావనపై ఇలాంటి కామెంట్స్ చేసి అప్రతిష్టను మూటగట్టుకున్నాడు AMMA ప్రధాన కార్యదర్శి బాబు.
