కొండపల్లిలో అగ్నిప్రమాదం

దిశ, వెబ్‎డెస్క్: ‎కృష్ణా జిల్లా ఇబ్రహీంపట్నం మండలం కొండపల్లిలో అగ్నిప్రమాదం చోటు చేసుకుంది. విద్యుత్ షార్ట్ సర్క్యూట్ తో కేబుల్ టీవీ ఆఫీసులో ఒక్కసారిగా మంటలు చెలరేగాయి. సమాచారం అందుకున్న అగ్నిమాపక సిబ్బంది.. ఘటనాస్థలికి చేరుకుని మంటలను అదుపు చేశారు. ఈ మంటల్లో కేబుల్ ఆఫీసు దగ్ధమైంది. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు.