నా ఫిల్మ్ ‘మిస్సింగ్’ కావడం అదృష్టం : డెబ్యూ హీరో

దిశ, సినిమా : ‘మిస్సింగ్’ చిత్రం ద్వారా ‘హర్షా నర్రా’ తెలుగు తెరకు హీరోగా పరిచయమవుతున్నాడు. భజరంగబలి క్రియేషన్స్ పతాకంపై భాస్కర్ జోస్యుల, లక్ష్మీశేషగిరి రావు నిర్మించిన చిత్రంలో నికీషా రంగ్వాలా, మిషా నారంగ్ హీరోయిన్లుగా నటించారు. శ్రీని జోస్యుల డైరెక్ట్ చేసిన ఈ సస్పెన్స్ థ్రిల్లర్ శుక్రవారం ప్రేక్షకుల ముందుకొస్తోంది. ఈ సందర్భంగా మాట్లాడిన హర్ష నర్రా.. ‘పెళ్లి గోల’ వెబ్ సిరీస్‌తో పేరొచ్చిందని, ఆ తర్వాత సినిమా ప్రయత్నాలు మొదలెట్టానని తెలిపాడు. ఈ క్రమంలోనే దర్శకుడు శ్రీని జోస్యుల పరిచయమవడం.. ‘మిస్సింగ్’ స్టోరీకి నేను సరిపోతాని ఆయన భావించడంతో సినిమా స్టార్ట్ అయిందని వెల్లడించాడు.

రొమాన్స్, థ్రిల్లింగ్ ఎలిమెంట్స్‌తో తెరకెక్కిన చిత్రంలో సస్పెన్స్ కూడా ఉంటుందని, అందుకే ‘మిస్సింగ్’ను వదులుకోలేదని చెప్పాడు. ఇక అజయ్ అరసాడ అందించిన సంగీతం ఈ మూవీకి సోల్‌గా నిలుస్తుందన్న హర్ష.. ట్రైలర్, సాంగ్స్‌ చూసి అతని టాలెంట్ ఏంటో తెలుసుకోవచ్చని అన్నారు.