గంజాయి అమ్ముతున్న పలువురి అరెస్ట్

దిశ,అల్వాల్ : గంజాయి అమ్ముతున్న వ్యక్తులను అరెస్ట్ చేసిన సంఘటన అల్వాల్ పోలీస్ స్టేషన్ పరిధిలో జరిగింది. సోమవారం అల్వాల్ పోలీసులు తెలిపిన వివరాల ప్రకారం అల్వాల్ పోలీస్ స్టేషన్ పరిధి గ్రీన్ ఫీల్డ్ కాలనీలోని నారాయణ స్కూల్ పక్కన గల ఖాళీ ప్రదేశంలో ముగ్గురు వ్యక్తులు గంజాయి అమ్ముతున్నారని నమ్మదగిన సమాచారంతో అల్వాల్ పోలీసులు వెంటనే ఆ ప్రదేశానికి వెళ్లి చూడగా అక్కడ ఆరుగురు వ్యక్తులు ఉన్నారు. అందులో ముగ్గురు వ్యక్తుల దగ్గర సుమారు 10 కిలోల గంజాయి బ్యాగులలో ఉన్నది. మిగతా ముగ్గురు వ్యక్తులు ఆ వ్యక్తుల దగ్గర గంజాయి కొనడానికి వచ్చినారని తెలిసింది. ఈ వ్యక్తులు ఆంధ్రప్రదేశ్ అరకు నుంచి గంజాయిని కొనుగోలు చేసుకుని వచ్చి ఇక్కడ అవసరం ఉన్న వ్యక్తులకు అమ్ముతున్నారని తెలిపారు.వీరందరూ బోయిన్ పల్లి, అస్మత్ పెట్, రసూల్ పురాకు చెందినవారు. వీరందరిపై కేసు నమోదు చేసి రిమాండ్ కు తరలించడం జరిగిందని అల్వాల్ పోలీస్ స్టేషన్ ఎస్ఐ సురేష్ తెలిపారు.