షార్ట్ సర్క్యూట్ తో బర్ధన్ గోదాంలో అగ్నిప్రమాదం..

దిశ, నిజాంపేట : షార్ట్ సర్క్యూట్ తో బర్ధన్ గోదాంలో అగ్నిప్రమాదం సంభవించిన సంఘటన నిజాంపేట మండలంలో చోటుచేసుకుంది. వివరాల్లోకి వెళితే మెదక్ జిల్లా నిజాంపేట మండల కేంద్రంలో శనివారం అర్ధరాత్రి జిట్టి చంద్రశేఖర్ కు చెందిన బర్దాన్ గోదాంలో అకస్మాత్తుగా విద్యుత్ షార్ట్ సర్క్యూట్ తో మంటలు చెలరేగాయి.

అది గమనించిన ఇంటి యజమాని (వ్యాపారి) వెంటనే అగ్నిమాపక సిబ్బందికి సమాచారం అందించడంతో హుటాహుటిన ఘటనా స్థలానికి చేరుకుని మంటలను అదుపులోకి తీసుకొచ్చారు. మంటలలో బర్ధన్ తో పాటు అమ్మకానికి తీసుకువచ్చిన చీరలు, గాజులు పూర్తిగా కాలిపోయాయి. దీంతో సుమారు 3 నుంచి 4 లక్షల రూపాయల ఆస్తి నష్టం వాటిల్లిందని బాధితులు తెలిపారు. అదేవిధంగా అగ్ని మాపక సిబ్బంది వచ్చి మంటలను అదుపులోకి తేవడంతో పెద్ద ప్రమాదం తప్పిందని చుట్టుపక్కల వారు తెలిపారు.