రోడ్డు ప్రమాదంలో యువకుడు మృతి

దిశ,చిట్యాల: మండలంలోని గిద్ధముత్తారం గ్రామానికి చెందిన, శుద్ధపల్లి పవన్ రోడ్డు ప్రమాదంలో మృతి చెందాడు. ఎస్సై శ్రావణ్ కుమార్ తెలిపిన వివరాల ప్రకారం ,పవన్ లేబర్ కోసమని కాల్వ పెళ్లికి వెళ్లి వస్తుండగా, సబ్ స్టేషన్ దగ్గరలో ఉన్న మూల మలుపు వద్ద, కుక్క అడ్డు రావడంతో సడన్ బ్రేక్ వేయగా, ద్విచక్రవాహనం అదుపుతప్పి పక్కనే ఉన్న మొరికి ఢీకొట్టింది.తలకు బలమైన గాయమై రక్తం వస్తుండగా, అటువైపుగా వెళ్తున్న వ్యక్తి చూసి, అంబులెన్స్ కాల్ చేసి చికిత్స నిమిత్తం చిట్యాల ప్రభుత్వ ఆసుపత్రికి తరలించారు. మెరుగైన వైద్యం కోసం హనుమకొండలోని ప్రైవేట్ హాస్పిటల్ లో వైద్యం చేస్తుండగా గురువారం మృతి చెందాడు. మృతుడి అన్న రాకేష్ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపాడు.