250 గ్రాముల గంజాయి పట్టివేత

దిశ, ఆసిఫాబాద్ : గుట్టుగా తరలిస్తున్న గంజాయిని జైన్నూర్ పోలీసులు పట్టుకున్నారు. ఎస్ఐ సాగర్ తెలిపిన వివరాల ప్రకారం ఆదివారం సాయంత్రం శివ్ నూర్ ఎక్స్ రోడ్డు వద్ద వాహనాలు తనిఖీ చేస్తున్న క్రమంలో ద్విచక్ర వాహనంపై అనుమానాస్పదంగా వెళ్తున్న ఇద్దరు వ్యక్తులను తనిఖీ చేయగా 250 గ్రాముల గంజాయి లభ్యమైంది. జగిత్యాల జిల్లా రాయికల్ మండలంలోని జగన్నాథ్ పూర్ గ్రామానికి చెందిన మాడవి జంగు, మాడవి బీర్శావ్ లు సిర్పూర్ మండలానికి చెందిన మాడవి ఇస్రు వద్ద నుండి 250 గ్రాముల గంజాయి కొనుగోలు చేశారు. దాంతో ఇద్దరిపై కేసు నమోదు చేసి పరారీలో ఉన్న మడావి ఇస్రు కోసం గాలిస్తున్నట్లు ఎస్ఐ పేర్కొన్నారు.