ఆన్ లైన్ బెట్టింగ్ కు యువకుడు బలి

దిశ, ఎల్లారెడ్డి పేట : ఆన్ లైన్ బెట్టింగ్ కు అలవాటు పడి అప్పుల పాలై ఓ యువకుడు గడ్డిమందు సేవించి చికిత్స పొందుతూ మృతి చెందిన విషాద ఘటన సింగారం గ్రామంలో చోటు చేసుకుంది. గ్రామస్తులు తెలిపిన వివరాల ప్రకారం ఎల్లారెడ్డిపేట మండలం సింగారం గ్రామానికి చెందిన బండి స్వామి గౌడ్ (35) పాల డెయిరీ నడుపుతూ ఆన్ లైన్ బెట్టింగ్ లలో పాల్గొంటూ లక్షల రూపాయలు పోగొట్టుకోవడంతో అప్పులు ఎక్కువయ్యాయి.

అప్పు ఇచ్చిన వారు అడుగుతుండడంతో మనస్థాపానికి లోనై వారం క్రితం గడ్డి మందు తాగాడు. వెంటనే కుటుంబ సభ్యులు ఎల్లారెడ్డిపేటలోని ఓ ప్రైవేట్ హాస్పిటల్ లో చేర్పించగా ఆదివారం చనిపోయాడు. మృతునికి భార్య శ్వేత, కుమారుడు సాధ్వీన్ (5), కూతురు వర్షిత (4) ఉన్నారు. ఆన్ లైన్ బెట్టింగ్ లపై ప్రభుత్వం దృష్టి పెట్టి అరికట్టాలని గ్రామస్తులు కోరారు.