బీపీ ఉంది ట్యాబ్లెట్ వేసుకుంటానంటే పర్మిషన్ ఇవ్వరా

దిశ,వెబ్‌డెస్క్: ఇది ఇండియన్ పీనల్ కోడా? జగన్ పీనల్ కోడా? ఇది అంబేద్కర్ రాసిన రాజ్యంగామా లేదంటే రాజారెడ్డి రాసిన రాజ్యాంగామా అని ప్రశ్నించారు టీడీపీ అధినేత చంద్రబాబు. బుధవారం ధర్మపరిరక్షణ పేరుతో పర్మీషన్లు ఇచ్చి..గురువారం అదే పర్మీషన్లు ఎందుకు క్యాన్సిల్ చేస్తున్నారని ప్రశ్నించారు. రాష్ట్రంలో పోలీసులున్నారా..? అంటూ అనుమానం వ్యక్తం చేశారు. ధర్మపరిరక్షణ యాత్ర చేసే హక్కు తమకు లేదా అని ప్రభుత్వాన్ని ప్రశ్నించిన ఆయన.. విజయనగరం జిల్లా రామతీర్థంలో వైసీపీ ఎంపీ విజయసాయిరెడ్డి వాహనంపై జరిగిన దాడి కేసులో టీడీపీ సీనియర్ నేత, మాజీ మంత్రి కళా వెంకటరావు అరెస్ట్ పై స్పందించారు. సౌమ్యుడు, స్నేహశీలి కళావెంకట్రావు ను అరెస్ట్ చేయడానికి మీకు మనసెలా ఒప్పిందని వ్యాఖ్యానించారు. బీపీ ఉంది ట్యాబ్లెట్ వేసుకుంటానంటే పర్మిషన్ ఇవ్వరా? రాత్రి సమయంలో కళా వెంకట్రావును అరెస్ట్ చేసిన తీరుపై డీజీపీ సమాధానం చెప్పాలని చంద్రబాబు డిమాండ్ చేశారు.