ట్రాక్టర్‌ను ఓవర్ టేక్ చేయబోయి..బాలుడి మృతి

దిశ, వరంగల్: ద్విచక్రవాహనంపై వెళ్తున్న ముగ్గురు వ్యక్తులు ట్రాక్టర్‌ను ఓవర్ టేక్ చేయబోయి ప్రమాదానికి గురయ్యారు.ఇందులో ఒకరు మృతి చెందగా, మరో ఇద్దరు తీవ్రగాయాలపాలయ్యారు.ఈ ఘటన వరంగల్ అర్బన్ జిల్లా హసన్​పర్తి మండలం నాగారం వద్ద మంగళవారం చోటుచేసుకుంది.పోలీసుల కథనం ప్రకారం..నగరంలోని కాశిబుగ్గకు చెందిన విఘ్నేష్​(14), మరో ఇద్దరు కలిసి ద్విచక్ర వాహనంపై బయటకు వెళ్లారు. ఆ సమయంలోనే నాగారం వద్ద ట్రాక్టర్​ను ఓవర్​టేక్​ చేసేందుకు ప్రయత్నించారు.ఈ క్రమంలోనే బైకు పైన చివరలో కూర్చున విఘ్నేష్​కు ట్రాక్టర్ బాడీ తగలడంతో ట్రాక్టర్ టైర్ కింద పడి అక్కడికక్కడే మృతి చెందాడు.ఈ ప్రమాదంలో మరో ఇద్దరికి తీవ్ర గాయాలవ్వగా, స్థానికులు వారిని ఎంజీఎం ఆస్పత్రికి తరలించారు. ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నట్టు వెల్లడించారు.