Accident: వాహనం టైరు పేలి బోల్తా.. 13 మందికి గాయాలు, ఒకరి పరిస్థితి విషమం

దిశ, వెబ్ డెస్క్: ప్రకాశం జిల్లా మార్కాపురం మండలం కోమటికుంటలో ఘోర రోడ్డు ప్రమాదం జరిగింది. రోడ్డుపై స్పీడుగా వెళ్తున్న వాహనం టైరు పేలి బోల్తాపడింది. ఈ ఘటనలో 13మందికి గాయాలు కాగా ఒకరి పరిస్థితి విషయంగా ఉంది. దీంతో క్షతగాత్రులను స్థానికులు మార్కాపురం ప్రభుత్వ ఆస్పత్రికి తరలించారు. విషయం తెలుసుకున్న పోలీసులు సంఘటనా స్థలాన్ని పరిశీలించారు. ప్రమాదంపై వివరాలు అడిగి తెలుసుకున్నారు. ప్రయాణికులు వాహనంలో శ్రీశైలం దర్శనానికి వెళ్తుండగా ప్రమాదం జరిగినట్లు గుర్తించారు. క్షతగాత్రులంతా మహారాష్ట్ర షోలాపూర్ వాసులని తెలిపారు. వాహనం అతివేగంగా ప్రయాణించడం వల్లే ప్రమాదం జరిగినట్లు ప్రాథమికంగా అంచనా వేశారు. వాహనదారులు రోడ్డు రూల్స్ పాటించాలని, కుటుంబ సభ్యులను దృష్టిలో ఉంచుకొని డ్రైవింగ్ చేయాలని సూచించారు. మద్యం తాగి వాహనాలు నడిపితే కఠిన చర్యలు తప్పవని హెచ్చరించారు.