Lokesh Nara: నారా లోకేశ్ సార్.. నన్ను కాపాడండి.. మస్కట్ నుంచి ఏపీ మహిళ ఆవేదన
దిశ, డైనమిక్ బ్యూరో: నారా లోకేశ్ సార్ నన్ను కాపాడండి అని మస్కట్ లో ఉన్న ఏపీ మహిళ ఆవేదన వ్యక్తం చేశింది. దీనికి సంబంధించిన వీడియో సోషల్ మీడియాలో వైరల్ గా మారింది. కడప జిల్లా రైల్వే కోడూరు మండలం వీవీ కండ్రిక యానాదిపల్లికి చెందిన నాగేశ్వరి అనే మహిళ ఉపాది కోసం మస్కట్ కు వెళ్లింది. అక్కడ వాతావరణ పరిస్థితులు అనుకూలించక ఆనారోగ్యం పాలైంది. దీంతో అక్కడి ఇండియాకు పంపించాలని అధికారులను వేడుకుంది. ఇండియాకు వెళ్లాలంటే డబ్బు కట్టి వెళ్లాలని ఆ మహిళకు అధికారులు చెప్పారు. దీంతో నారా లోకేశ్ సార్ నన్ను కాపాడండి అంటూ వీడియో విడుదల చేసింది.
ఇందులో తన కోడుకు అనారోగ్యం పాలై మరణించాడని, అతన్ని కాపాడుకునేందుకు చేసిన అప్పులు తీర్చుకునేందుకు ఉపాధి కోసం అప్పు చేసి మస్కట్ వచ్చానని తెలిపింది. వాతావరణ మార్పుల వల్ల ఆనారోగ్యం పాలయ్యానని చెప్పినా కనికరించడం లేదని, పైగా పనిచేయకపోతే తీవ్రంగా హింసిస్తున్నారని రోధించింది. మస్కట్ లో పని చేయించుకుంటున్నారు తప్ప డబ్బు చెల్లించడం లేదని తన గోడు వెళ్లబోసుకుంది. ఇండియాకు పంపాలంటే డబ్బు కట్టమంటున్నారని, ఇక్కడే ఉంటే చనిపోతానేమోనని భయం వేస్తుందని, తనను కాపాడాలని నారా లోకేశ్ ను వేడుకుంది. దీంతో ఈ వీడియో నెట్టింట చక్కర్లు కొడుతోంది. ఈ వీడియోపై ఏపీ మంత్రి నారాలోకేశ్ స్పందించి, నాగేశ్వరిని కాపాడాలని ఆమె బందువులు కోరుకుంటున్నారు.
