ఎన్టీఆర్ విగ్రహం ధ్వంసం.. చంద్రబాబు సీరియస్ రియాక్షన్

దిశ, వెబ్ డెస్క్: ఎన్టీఆర్ విగ్రహం ధ్వంసం చేయడం ఓ సిగ్గుమాలిన చర్య అని టీడీపీ అధినేత చంద్రబాబు మండిపడ్డారు. బాపట్ల జిల్లా బర్తిపూడిలో కొందరు వ్యక్తులు ఎన్టీఆర్ విగ్రహం తల పగులగొట్టి పరారయ్యారు. ఈ ఘటనపై చంద్రబాబు సీరియస్ రియాక్షన్ ఇచ్చారు. మహనీయుల విగ్రహాలను ధ్వంసం చేయడం వైసీపీ నేతల అహంకారానికి నిదర్శనమని మండిపడ్డారు. నిందితులపై పోలీసులు కఠిన చర్యలు తీసుకోవాలని చంద్రబాబు డిమాండ్ చేశారు.

నారా లోకేశ్ స్పందన

అటు నారా లోకేశ్ కూడా ఖండించారు. వైసీపీ నేతలకి ఓడిపోతామనే భయం పట్టుకుందని.. అందుకే ఇలాంటి దుశ్చర్యకు పాల్పడుతున్నారని ఆగ్రహం వ్యక్తం చేశారు. ఎన్టీఆర్ విగ్రహాన్ని కూల్చిన వారితోనే మూడు నెలల్లో మళ్లీ పెట్టిస్తామని హెచ్చరించారు. తెలుగు ప్రజల గుండెల్లో ఎన్టీఆర్ కొలువై ఉన్నారని.. అటువంటి మహనీయుడి స్థానాన్ని విగ్రహం కూల్చి‌వేతతో చెరిపివేయలేరని లోకేశ్ పేర్కొన్నారు.