Amaravati : రాజధాని ప్రాంతంలో సీఎం చంద్రబాబు పర్యటన.. షెడ్యూల్ ఇదే..!

దిశ, వెబ్ డెస్క్: ఏపీ సీఎం చంద్రబాబు నాయుడు అమరావతి రాజధాని ప్రాంతంపై ప్రత్యేకంగా దృష్టి సారించారు. తన ఐదేళ్ల హయాంలోనే రాజధానిలో వీలైనన్ని నిర్మాణాలను పూర్తి చేయాలని నిర్ణయించుకున్నారు. గత ప్రభుత్వంలో రాజధాని ప్రాంతం విధ్వంసాలు జరిగిన విషయం తెలిసిందే. దీంతో ముఖ్యమంత్రిగా చంద్రబాబు నాయుడు రాజధాని ప్రాంతంలో పర్యటించనున్నారు. ప్రస్తుతమున్న నిర్మాణాలను, ఆయా ప్రాంతాలను ఆయన పరిశీలించనున్నారు. ఈ మేరకు రాజధాని ప్రాంతంలో చంద్రబాబు గురువారం పర్యటించనున్నారు. గురువారం ఉదయం వెలగపూడిలోని ప్రజావేదికను పరిశీలించి పర్యటనను ప్రారంభించనున్నారు. సీడ్ యాక్స్ రోడ్, జడ్జిల క్వార్టర్స్‌తో పాటు ఆలిండియా సర్వీస్ అధికారుల క్వార్టర్స్‌నుపరిశీలిస్తారు. అనంతరం రాజధాని శంకుస్థాపన ప్రాంతానికి చంద్రబాబు వెళ్లనున్నారు. అక్కడ ధ్వంసమైన శిలాఫకాలను పరిశీలించనున్నారు. ఈ సందర్భంగా సీఎం చంద్రబాబు కీలక వ్యాఖ్యలు చేసే అవకాశం ఉందని తెలుగు పార్టీ శ్రేణులు చెబుతున్నాయి.

Read More : రాజధానిలో భారీగా డ్యామేజ్.. మంత్రి నారాయణ కీలక వ్యాఖ్యలు