అనసూయ లీడ్స్ ‘థ్యాంక్ యు బ్రదర్’

దిశ, వెబ్‌డెస్క్: యాంకర్‌గా జబర్దస్త్ అనిపించిన అనసూయ.. యాక్టర్‌గానూ మంచి మార్కులే వేయించుకుంది. ముఖ్యంగా ‘రంగస్థలం’లో రంగమ్మత్త క్యారెక్టర్‌కు విమర్శకుల ప్రశంసలు అందుకుంది. ఆ తర్వాత ‘క్షణం, యాత్రం, కథనం’ లాంటి సినిమాలు చేసిన అనసూయ గ్లామర్ టచ్‌తో కూడిన క్యారెక్టర్ ఆర్టిస్ట్‌గా మంచి మార్కెట్ సెట్ చేసుకుంది. అయితే ఇప్పటి వరకు ఎక్కువగా సపోర్టింగ్ రోల్స్ చేస్తూ వచ్చిన భామ.. తాజాగా లేడీ ఓరియెంటెడ్ సినిమాతో రాబోతుంది.

అనసూయతో పాటు యంగ్ హీరో విరాజ్ అశ్విన్ ప్రధాన పాత్రలో కనిపించబోతున్న సినిమాకు ‘థ్యాంక్ యు బ్రదర్’ అనే టైటిల్ ఖరారు కాగా.. హీరో దగ్గుబాటి రానా టైటిల్ పోస్టర్ రిలీజ్ చేశారు. రమేష్ రావర్తి డైరెక్షన్‌లో జస్ట్ ఆర్డినరీ ఎంటర్‌‌టైన్మెంట్స్ బ్యానర్ నిర్మిస్తున్న ఈ సినిమా కరోనా నేపథ్యంలో తెరకెక్కుతోంది. గుణా బాలసుబ్రమనియన్ సంగీతం సమకూరుస్తుండగా, సినిమా పోస్టర్‌లో మాస్క్, లిఫ్ట్ హైలెట్ చేశారు. కాగా ఈ చిత్రంలో అనసూయ గర్భిణిగా కనిపించబోతున్నట్లు సమాచారం.