కీలక మ్యాచ్ ముందు ఆర్సీబీకి కోలుకోలేని దెబ్బ.. జట్టుకు దూరమైన స్టార్ ప్లేయర్
దిశ, వెబ్‌డెస్క్: ఐపీఎల్ 2024లో కీలక ఘట్టం దగ్గర పడింది. ప్లే ఆఫ్ రేసులో కొనసాగడానికి మొత్తం 8 జట్లు పోటీ పడుతున్నాయి. ఇందులో కలకత్తా జట్టు ఇప్పటికే ప్లే ఆఫ్స్ కి అర్హత సాధించగా.. మిగిలిన మూడు స్థానాల కోసం 7 జట్లు పోటీలో ఉన్నాయి. ఈ రేసులో ఆర్సీబీ జట్టు కూడా ఉంది. వరుసగా ఆరు ఓటముల తర్వాత పుంజుకున్న ఆ జట్టు వరుసగా ఐదు విజయాలతో పాయింట్ల పట్టికలో ఐదో స్థానంలోకి చేరుకుంది. కాగా జట్టుకు చివరి మ్యాచ్ చెన్నైతో ఉంది. ఇరు జట్లకు ఈ మ్యాచ్ విజయం అత్యంత కీలకం కానుంది. ఈ క్రమంలో ఆర్సీబీ జట్టుకు భారీ షాక్ తగిలింది. ఆ జట్టు వరుస విజయాల్లో కీలక పాత్ర పోషించిన విల్ జాక్స్ జట్ట నుంచి వెళ్లిపోయాడు. అతనితో పాటుగా టాపర్ కూడా వెళ్లారు. న్యూజిలాండ్ కు చెందిన ఈ ఇద్దరు ఆటగాళ్లు టీ20 వరల్డ్ కప్‌లో చోటు దక్కించుకున్నారు. ఈ క్రమంలో తమ దేశ జట్టులో భాగస్వామ్యం అయ్యేందుకు పిలుపు రావడంతో కీలక ప్లేయర్ అయిన విల్ జాక్స్ తిరిగి వెళ్లిపోయారు. దీంతో ఆర్సీబీ జట్టుకు అతని లోటు కొట్టొచ్చినట్లు కనిపించనుంది. విల్ జాక్స్ ఓ మ్యాచులో అద్బుతమైన సెంచరీతో జట్టుకు విజయాన్ని అందించాడు. అలాగే అతను ఆఫ్ స్పిన్ బౌలింగ్ కూడా చేయగలడు.
