రోడ్డు ప్రమాదంలో వ్యక్తి మృతి, భార్యకు గాయాలు..
దిశ, దుండిగల్ : రోడ్డు ప్రమాదంలో ఓ వ్యక్తి మృతి చెందగా భార్య తీవ్రగాయాలపాలైన సంఘటన దుండిగల్ పోలీస్ స్టేషన్ పరిధిలో చోటు చేసుకుంది. పూర్తి వివరాల్లోకి వెళితే బీహార్ రాష్ట్రానికి చెందిన రాకేష్ రాయ్ (33) బౌరంపేటలో వాచ్ మెన్ గా ఉంటూ, కూరగాయల వ్యాపారం చేస్తూ జీవనం సాగిస్తున్నాడు. సోమవారం ఉదయం భార్యతో కలిసి తన ద్విచక్రవాహనం పై షాపూర్ నగర్ నుండి బౌరంపేటకు బయలు దేరాడు. ఉదయం సుమారు 6.40 నిమిషాలకు బౌరంపేట కమాన్ దగ్గరకు రాగానే మియాపూర్ నుండి బహదూరపల్లికి వెళ్తున్న రేడిమిక్స్ వాహనం అతివేగంగా వచ్చి ఢీకొట్టింది.
దీంతో భారీ వాహనం ఎడమ వైపు చక్రాలు బాధితుని పై ఎక్కి తలకు బలమైన గాయాలై అక్కడికి అక్కడే మృతి చెందాడు. వెనక కూర్చున్న భార్య గుడ్డికి స్వల్పగాయాలయ్యాయి. డ్రైవర్ నిర్లక్ష్యం, అతివేగమే ప్రమాదానికి కారంగా తెలుస్తుంది. డ్రైవర్ పరారీలో ఉన్నట్లు సమాచారం. రేడిమిక్స్ వాహనాన్ని స్వాధీనం చేసుకున్న దుండిగల్ పోలీసులు, మృతదేహాన్ని పోస్ట్ మార్టం నిమిత్తం ఉస్మానియా ప్రభుత్వ ఆసుపత్రికి తరలించామని, కేసు నమోదు చేసుకొని దర్యాప్తు చేస్తున్నట్లు తెలిపారు.
