‘వీయూ’ నుంచి బడ్జెట్ ధరల్లో స్మార్ట్ టీవీలు

దిశ, వెబ్‌డెస్క్:
ప్రముఖ స్మార్ట్ టీవీ బ్రాండ్ వీయూ(Vu) బుధవారం ఇండియాలో బడ్జెట్ ధరల్లో 4కే ఆండ్రాయిడ్ టీవీల‌ను లాంచ్ చేసింది. 43, 50, 55, 65 ఇంచుల డిస్‌ప్లే సైజుల్లో ఈ టీవీలు లభించనున్నాయి. అల్ట్రా 4కె హెచ్‌డీ డిస్‌ప్లే‌తో వస్తున్న ఈ టీవీల్లో అమెజాన్ ప్రైమ్, నెట్‌ఫ్లిక్స్‌, యూట్యూబ్, గూగుల్ ప్లే త‌దిత‌ర యాప్స్‌ను ఇన్‌బిల్ట్‌గా అందిస్తున్నారు. ఎల్ఈడీ డిస్‌ప్లే , డాల్బీ విజన్, యూఎస్‌బీ పోర్టులు, ఇయ‌ర్‌ఫోన్ జాక్‌, ఆప్టిక‌ల్ రేడియో వంటి ఫీచర్లు ఈ స్మార్ట్ టీవీల్లో ఉండనున్నాయి. సౌండ్ విషయంలో డాల్బీ డిజిటల్, డీటీఎస్ వర్చువల్ ఫీచర్‌ను కూడా అందిస్తున్నారు. ఈ టీవీలను అమెజాన్‌ ఈ కామర్స్ స్టోర్‌తోపాటు ఆఫ్‌లైన్ స్టోర్స్‌లోనూ విక్రయిస్తున్నారు.

ఫీచర్స్ :

ఓఎస్ : ఆండ్రాయిడ్ 9.0
ర్యామ్ : 2 జీబీ ర్యామ్,
స్టోరేజ్ : 16 జీబీ
వైఫై, బ్లూటూత్ 5.0,

ధర :
43 ఇంచుల టీవీ – రూ.25,999/-
50 ఇంచుల టీవీ – రూ.28,999/-
55 ఇంచుల టీవీ – రూ.32,999/-
65 ఇంచుల టీవీ -రూ.48,999/-