ఆస్కార్ బరిలో నిలవని ‘సర్దార్ ఉద్దం’.. కారణాలపై స్పందించిన హీరో
దిశ, సినిమా: బాలీవుడ్‌ దర్శకుడు సుజిత్‌ సర్కార్‌-విక్కీ కౌశల్‌ కాంబినేషన్‌లో వచ్చిన చిత్రం ‘సర్దార్ ఉద్దం’ ఆస్కార్ 2022 నామినేషన్స్‌కు షార్ట్‌లిస్ట్‌ అయిన 14 చిత్రాల్లో ఉంది. కానీ, ఆస్కార్ బరిలో మాత్రం నిలవలేకపోయింది. బ్రిటీష్‌ వారిపై ద్వేషాన్ని చూపించడం వల్లే ఈ చిత్రం ఆస్కార్‌కి సెలెక్ట్‌ కాలేదని జ్యూరీ సభ్యుల్లో ఒకరు తెలిపారు. కాగా, దీనిపై స్పందించిన హీరో విక్కీ కౌశల్‌.. ‘ప్రతి ఒక్కరికీ వారి సొంత అభిప్రాయం చెప్పే హక్కు ఉంటుంది. మనకు సినిమా నిపుణులతో కూడిన జ్యూరీ ఒకటి ఉంది. వారి నిర్ణయాన్ని తప్పకుండా గౌరవించాలి. ఆస్కార్‌కు నామినేట్ అయిన తమిళ చిత్రం ‘కూజంగల్’ని చూడలేదు. కానీ సుజిత్‌ బాగుందని చెప్పాడు. అంతర్జాతీయ ప్లాట్‌ఫామ్‌లో భారతీయ సినిమా ఎలివేట్‌ అయ్యేందుకు ఇది మంచి నిర్ణయం అని నేను అనుకుంటున్నాను. ఈ చిత్రం మనందరికీ కీర్తిని తీసుకొస్తుందని ఆశిస్తున్నా’ అని చెప్పాడు.
- Tags
- Bollywood
