మంత్రివర్గ విస్తరణ.. మరో కేంద్రమంత్రి రాజీనామా

దిశ, వెబ్‌డెస్క్: నేడు సాయంత్రం 6 గంటలకు కేంద్ర మంత్రివర్గ విస్తరణ జరగనున్న విషయం తెలిసిందే. పలువురు మంత్రులకు ప్రమోషన్ దక్కనుండగా.. కొత్తగా మంత్రివర్గంలోకి కొంతమంది ఎంపీలకు అవకాశం ఇవ్వనున్నారు. ఇక ప్రస్తుతమున్న పలువురు మంత్రులకు ఉద్వాసన పలకనున్నారు. ఈ క్రమంలో మంత్రులు తమ పదవులకు రాజీనామా చేస్తున్నారు.

ఇప్పటికే సదానంద గౌడ, దేబశ్రీ చౌదరి, రావ్ సాహెబ్ పాటిల్. సంజయ్ ధోత్రే, సంతోష్ అగర్వాల్, రమేశ్ పోఖ్రియాల్ నిశాంక్ రాజీనామా చేశారు. అయితే తాజాగా కేంద్ర ఆరోగ్యశాఖ మంత్రి డాక్టర్ హర్షవర్ధన్ తమ పదవికి రాజీనామా చేశారు. మంత్రివర్గంలో కొత్తగా 13 మంది న్యాయవాదులు, ఆరుగురు వైద్యులు, ఐదుగురు ఇంజినీర్లకు అవకాశం ఇవ్వనున్నట్లు సమాచారం. ఇక సహాయమంత్రిగా ఉన్న ఏడుగురికి అవకాశం దక్కనుందని తెలుస్తోంది.