యువతి నగ్న చిత్రాలు సోషల్ మీడియాలో.. చివరికి..

దిశ, వెబ్‌డెస్క్: రోజురోజుకు యువతులు, మహిళలపైన లైంగిక వేధింపులు పెట్రేగిపోతున్నాయి. తమ కామవాంఛ కోసం యువతుల జీవితాలను అంధకారంలోకి నెట్టేస్తున్నారు. ఇలాంటి ఘటనే విజయవాడలో చోటు చేసుకుంది. బీహార్‌కు చెందిన రోహిత్ కుమార్ అనే యువకుడు విజయవాడలో నివాసముంటున్నాడు. అయితే ఓ యువతితో పరిచయం పెంచుకున్న రోహిత్, సదరు యువతి నగ్న చిత్రాలను సేకరించాడు.

ఈ మధ్య రోహిత్ ప్రవర్తనలో తేడారావడంతో ఆ యువతి రోహిత్‌ను దూరం పెట్టింది. దీన్ని సహించలేకపోయిన రోహిత్, కృష్ణలంకకు చెందిన గణేష్ అనే వ్యక్తితో కలిసి యువతిని వేధింపులకు గురిచేశారు. అంతేకాకుండా ఆ యువతికి సంబంధించిన నగ్న చిత్రాలను, ఆమె పేరు మీద ఫేక్ ఇన్‌స్టాగ్రామ్ అకౌంట్ క్రియేట్ చేసి అందులో పోస్టు చేశారు. ఈ విషయం తెలుసుకున్న సదరు యువతి సైబర్ క్రైం పోలీసులకు ఫిర్యాదు చేసింది. యువతి ఫిర్యాదుతో రంగంలోకి దిగిన పోలీసులు ఆ ఇద్దరు యువకులను ఆరెస్టు చేసి విచారిస్తున్నారు.