అత్యుత్తమ ప్రాంతాల జాబితాలో రెండు భారత హోటళ్లు.. ఎక్కడ ఉన్నాయో తెలుసా!

దిశ,వెబ్‌డెస్క్: టైమ్ మ్యాగజైన్ తాజాగా ఈ ఏడాదికి సంబంధించిన ‘ప్రపంచంలోని అత్యుత్తమ ప్రాంతాలు’ జాబితాను విడుదల చేసింది. ఈ క్రమంలో భారతదేశం నుంచి రెండు హోటళ్లు ఈ జాబితాలో చోటు దక్కించుకున్నాయి. ఈ జాబితాలో భారత్ నుంచి జైపుర్ రాఫిల్స్, బాంధవ్‌గఢ్‌లోని ఒబెరాయ్ వింధ్యావిలాస్ వైల్డ్‌లైఫ్ రిసార్ట్స్ గుర్తింపు పొందాయి. ఈ రెండూ అద్భుతమైన ప్రాంతాలని చెప్పిన టైమ్ మ్యాగజైన్.. ముంబైలోని పాపాస్ రెస్టారెంట్‌ను చూడాల్సిన చోటుగా పేర్కొంది. ఈ జాబితాలో మ్యూజియాలు, పార్కులు, పర్యాటక ప్రదేశాలు తదితర ప్రాంతాలను పరిగణించినట్లు తెలిపింది.

జైపుర్ రాఫిల్స్..

‘రాఫెల్స్’ అనేది జైపూర్ సమీపంలోని కుకాస్ పట్టణంలో ఉన్న ఒక రాజభవన హోటల్‌. ఇది జూలై 2024లో ప్రారంభమైనట్లు సమాచారం. TIME మ్యాగజైన్ ప్రకారం.. చేతితో చెక్కిన పాలరాయి సుడిగుండాలు, మొఘల్-శైలి తోరణాలు, జాలిస్ అని పిలువబడే చిల్లులు గల లాటిస్‌వర్క్ స్క్రీన్‌లు మరియు ఈ ప్రాంతానికి ప్రత్యేకమైన సాంప్రదాయ గాజు మరియు అద్దం ఇంకా చాలా ఆకర్షణలతో అద్భుతంగా నిర్మించారు. ఉత్తర భారత్‌లోని రాజస్థాన్‌లోని జైపూర్‌ని (Jaipur Tourist Places) సందర్శించడం ప్రత్యేకమనే చెప్పవచ్చు. ఈ అందమైన నగరం అరుదైన కట్టడాలకు, చారిత్రక కోటలకు నెలవు.

ఒబెరాయ్ వింధ్యావిలాస్ వైల్డ్‌లైఫ్ రిసార్ట్స్..

మధ్యప్రదేశ్‌లోని ప్రసిద్ధ బంధవ్‌గఢ్ నేషనల్ పార్క్ సమీపంలో 21 ఎకరాల ఒబెరాయ్ వింధ్యవిలాస్ వైల్డ్‌లైఫ్ రిసార్ట్ ఉంది. ఇక్కడికి వెళితే.. వాటి నివాసాలలో ఉంటున్న రాయల్ బెంగాల్ టైగర్‌లను కూడా చూడవచ్చు. ఇక్కడ స్పా, లైబ్రరీ, స్విమ్మింగ్ పూల్ మరియు ఫిట్‌నెస్ సెంటర్, సరస్సు, నడక మార్గాలను చూసే పచ్చని తోట స్థలాలు, ఎనిమిది సీట్ల బుష్ కిచెన్ మరియు కోడో మిల్లెట్ మహువా పువ్వులు వంటి స్థానికంగా లభించే పదార్థాలతో తయారు చేసిన భోజనాన్ని అందించే ఓపెన్-ఎయిర్ రెస్టారెంట్ ఉన్నాయని అని టైమ్ మ్యాగజైన్ పేర్కొంది.