Viral: టీచర్ తిట్టిందని.. కుర్చీ కింద బాంబు పెట్టి పేల్చేసిన స్టూడెంట్స్.. ఆ తర్వాత ఏం జరిగిందంటే..
దిశ, వెబ్‌డెస్క్: ఛత్రపతి సినిమాలో ప్రభాస్ గ్యాంగ్ జయప్రకాశ్ రెడ్డి సీటు కింద బాంబు పెట్టి బెదిరించే సీన్ గుర్తుందా..? సరిగ్గా అలాగే ఓ టీచర్ సీట్ కింద బాంబ్ పెట్టి షాకిచ్చారు కొంతమంది స్టూడెంట్స్. అయితే వీళ్లు జస్ట్ భయపెట్టి వదిలేయలేదు. ఏకంగా బాంబును పేల్చి మరీ చూపించారు. ఈ వైరల్ ఘటన హర్యానాలో జరిగింది. స్కూల్లోని 12వ తరగతి చదువుతున్న కొంతమంది విద్యార్థులను సైన్స్ టీచర్ తిట్టారు. ఇది మనసులో పెట్టుకున్న స్టూడెంట్స్.. ఆమెపై రివెంజ్ తీర్చుకోవాలనే ఆవేశంలో యూట్యూబ్‌లో చూసి బాణాసంచాతో బాంబు తయారు చేసి.. దాన్ని టీచర్ చైర్ కింద పెట్టారు. ఇక కూర్చీలో టీచర్ కూర్చున్న తర్వాత రిమోట్ కంట్రోల్ సాయంతో ఆ బాంబును పేల్చేశారు. పెద్ద శబ్దంతో ఆ బాంబు పేలడంతో మొత్తం పాఠశాల ఉలిక్కిపడింది. అయితే ఈ ఘటనలో టీచర్‌కు ఎలాంటి గాయాలు కాపోయినా.. విద్యార్థుల ప్రవర్థపై సీరియస్ అయిన పాఠశాల ప్రిన్సిపల్ వాళ్లని వారం రోజుల పాటు స్కూల్‌ నుంచి సస్పెండ్ చేశారు.
