విద్యుత్ తీగలకు తగిలి డీసీఎంకు అగ్ని ప్రమాదం..

దిశ, బాల్కొండ : బాల్కొండ ఫైర్ స్టేషన్ పరిధిలో ముప్కాల్ మండలం కొత్తపల్లి గ్రామ శివారు కాలువ పక్కన ఒక డీసీఎం వ్యానుకు విద్యుత్తు తీగలు తగిలి అగ్ని ప్రమాదం చోటుచేసుకుంది. ఈ విషయం తెలుసుకున్న వెంటనే ఇంచార్జి ఫైర్ అధికారి బి.శేఖర్, లీడింగ్ ఫైర్ మాన్ టి.హరి కృష్ణ, టి.సుభాష్ లు సిబ్బందితో కలిసి వెళ్లి కాలిపోతున్న మంటలను ఆర్పివేశారు. ఈ ప్రమాదంలో ఎలాంటి ప్రాణనష్టం జరగలేదు.