BJP : డిసెంబరులో బీజేపీ పాదయాత్రలు

దిశ, వెబ్ డెస్క్ : తెలంగాణ(Telangana)లో కాంగ్రెస్ ప్రభుత్వం ఏర్పడి ఏడాది పాలన పూర్తయిన సందర్భంగా రాష్ట్రవ్యాప్తంగా విజయోత్సలు జరుపుతుండగా.. మరోవైపు కాంగ్రెస్ వైఫల్యాలను ఎండగట్టేందుకు బీజేపీ(BJP) సిద్ధం అవుతోంది. ఇప్పటికే మూసీ నిర్వసితులకు బాసటగా నిలిచేందుకు తెలంగాణ బీజేపీ నేతలు మూసీ(Musi) పరివాహక ప్రాంతాల వాసులతో పాదయాత్ర, భోజనం, నిద్ర వంటి కార్యక్రమాలను నిర్వహించారు. ఇక నుంచి కాంగ్రెస్ ప్రభుత్వ వైఫల్యాలను ప్రజల్లోకి తీసుకు వెళ్లేందుకు సిద్ధం అవుతోంది. ఎన్నికల్లో ఇచ్చిన ఆరు గ్యారంటీలు కాంగ్రెస్ నెరవేర్చలేదని.. తదితర ప్రభుత్వ వైఫల్యాలపై పాదయాత్రలు చేసేందుకు ప్లాన్ రెడీ చేసింది. డిసెంబర్ మొదటి వారం నుంచి నియోజక వర్గాల వారీగా బీజేపీ నేతలు పాదయాత్రలు చేపట్టి.. కాంగ్రెస్ అసత్యాలను ప్రజలకు చూపుతామని ప్రకటించింది. కాగా ఈ పాదయాత్ర కార్యక్రమంపై చర్చించేందుకు సోమవారం నాంపల్లిలోని రాష్ట్ర బీజేపీ ఆఫీసులో ముఖ్య నేతలంతా సమావేశం అవనున్నారు.