యూట్యూబ్ వ్లాగర్స్ పంచాయితీ..! ‘నా అన్వేషణ’ తెలంగాణ యాసలో వెటకారం!

దిశ, డైనమిక్ బ్యూరో: తెలుగు యూట్యూబ్ వీడియోలు రెగ్యులర్‌గా చూసేవారికి నా అన్వేషణ, బయ్యా సన్నీ యాదవ్ చానల్ గురించి తెలిసే ఉంటుంది. 'నా అన్వేషణ' యూట్యూబ్ చానల్ కు 2 మిలియన్స్‌పైగా సబ్‌స్క్రైబర్లు ఉంటారు. ఈ చానల్ అన్వేష్ అనే యువకుడిది. ప్రపంచవ్యాప్తంగా వివిధ ప్రాంతాల్లో ట్రావెల్ చేస్తూ.. తనకు తోచినట్టుగా మాట్లాడుతూ, కొన్నిసార్లు ఘాటైన పదాలు ఉపయోగిస్తూ వీడియోలు పోస్ట్ చేస్తుంటాడు. ఇతని వీడియోలు యూట్యూబ్‌లో ట్రెండింగ్ అవుతుంటాయి. ఇతను ఏపీ, వైజాగ్ చెందిన యువకుడు. మరోవైపు బయ్యా సన్నీ యాదవ్ బైక్ రైడర్.. ఇతని యూట్యూబ్ చానల్‌కు దాదాపు 4.18 మిలియన్లకు పైగా సబ్‌స్క్రైబర్లు ఉంటారు. తన బైక్ పైన ప్రతి ఒక్క ప్రదేశానికి వెళ్లి వ్లాగ్స్ చేస్తు ఫేమస్ అయ్యాడు. అయితే వీరిద్దరి వీడియోలను దాదాపు యూట్యూబ్ రెగ్యులర్‌గా ఫాలో అయ్యే వాళ్లు చూసే ఉంటారు. ఇతను తెలంగాణ ఉమ్మడి నల్లగొండ జిల్లాకు చెందిన వ్యక్తి. ఇటీవల అతను ఇండియా నుంచి అమెరికా బైక్ పై రైడ్ చేస్తూ వెళ్లానని వ్లాగ్స్ చేశారు.

‘నా అన్వేషణ’ తెలంగాణ యాసలో వెటకారం!

నా అన్వేషణ వ్లాగర్ తాజాగా బయ్యా సన్నీ యాదవ్‌పై మాట్లాడిన వీడియో సోషల్ మీడియాలో వైరల్ అయ్యింది. బయ్యా సన్నీ యాదవ్‌‌పై ఆయన ఆరోపణలు చేశారు. బయ్యా సన్నీ యాదవ్ అనే యూట్యూబ్ వ్లాగర్ బైక్ మీద ఇండియా నుంచి అమెరికా వరకు వెళ్లలేదని, షిప్పుల్లో బైక్‌ను పంపి.. అతను విమానంలో వెళ్లాడంటూ అంటూ తెలంగాణ యాసలో నా అన్వేషణ వ్లాగర్ అన్వేష్ వెటకారంగా మాట్లాడారు. ఈ వ్యవహారంపై నెటిజన్లు తీవ్ర స్థాయిలో స్పందిస్తున్నారు. ‘అన్వేష్, సన్నీ యాదవ్ మీకు మీకు ఏమైనా ఉంటే చూసుకోండి.. అంతే కానీ అన్వేష్ నువ్వు తెలంగాణ యాస, బాషను కించపరుస్తామని అంటే సమాజం చూస్తూ ఊరుకోదు’ అని ఓ నెటిజన్ కామెంట్ చేశారు. ‘సన్నీ యాదవ్ బెట్టింగ్ యాప్స్ కోసం వీడియోస్ చేసుకుంటాడు. అన్వేష్ బ్రో లైట్ తీసుకో’ అని మరో నెటిజన్ కామెంట్ చేశారు. ‘అన్వేష చెప్పింది కరెక్టే’ అని మరికొంత మంది అన్వేష్‌ను సమర్ధిస్తున్నారు.