కుక్కతో కలిసి శివ తాండవ నృత్యం చేసిన మహిళ.. కుక్క వేసిన స్టెప్పులకు ఫిదా అవుతోన్న నెటిజన్లు(వీడియో)
దిశ, ఫీచర్స్: భారతదేశంలో శివతాండవ నృత్యానికి ఎంత ప్రాధాన్యత ఉందో ప్రత్యేకంగా చెప్పాల్సిన అక్కర్లేదు. ఇది హిందువులు ఎంతగానో ఆరాధించే శివుడు ప్రదర్శించే ఒక దైవిక నృత్యం. శివతాండవాన్ని ఒక శక్తివంతమైన నృత్యంగా వర్ణిస్తారు. అయితే ఇంతటి గొప్ప ప్రాముఖ్యత ఉన్న శివతాండవ నృత్యాన్ని పలు పాఠశాలల్లో, కళాశాలల్లో విద్యార్థులతో చేయించి.. వారిలోని ప్రతిభను బయటకు తీస్తారు ఉపాధ్యాయులు. తాజాగా శివతాండవం పై ఓ ఫారిన్ మహిళ అద్భుతంగా నృత్యం చేసింది.
భారతీయ నృత్య కదలికలను చూసి ఈమెను ప్రశంసించకుండా ఎవరూ ఉండలేరు. ఇక్కడ ఆశ్చర్యపోవాల్సిన విషయం ఏంటంటే? ఈ మహిళతో పాటు ఒక కుక్క కూడా స్టేజ్ పై నాట్యం చేయడం. ఆమె కుక్కతో జుగల్ బందీ చేస్తూ.. శివతాండవ్ ట్యూన్ కు డ్యాన్స్ చేయడం విశేషం. మహిళలతో పాటు కుక్క వేసిన స్టెప్పులను చూసి సోషల్ మీడియాలోని జనాలు షాక్ అవుతున్నారు. ప్రస్తుతం భారతీయ శైలిలో నృత్యం చేస్తోన్న మహిళ.. ‘ఇండియాలోని ఓ ఉపాధ్యాయుడి దగ్గర నాట్యం నేర్చుకున్నానని’ క్యాప్షన్ రాసుకొచ్చింది. ప్రస్తుతం ఈ వీడియో నెట్టింట వైరల్ అవుతోంది.
