పంజాగుట్టలో దొంగల హల్‌చల్

హైదరాబాద్‌లోని పంజాగుట్ట పోలీస్ స్టేషన్ పరిధిలో దొంగలు బీభత్సం సృష్టించారు. ముగ్గురు మహిళలు ఉన్న ఓ ఇంట్లోకి చొరబడ్డారు. వెంటనే అప్రమత్తమైన ముగ్గురు మహిళలు దొంగలను పట్టుకోవడానికి విశ్వ ప్రయత్నం చేశారు. ఈ నేపథ్యంలో దొంగలు ఓ మహిళ తలపై సుత్తితో బాది తీవ్రంగా గాయపర్చారు. అనంతరం దొంగలు అక్కడి నుంచి పరారయ్యారు. ఈ ఘటనపై పోలీసులు కేసు నమోదు చేసుకొని, దొంగల కోసం వేట ప్రారంభించారు.