నా ఓటు బీఎస్పీకే.. ఎందుకంటే..! యువకుడి వీడియో వైరల్
దిశ, డైనమిక్ బ్యూరో: ఓటు.. పౌరుడి అస్తిత్వానికి ప్రతీక. ప్రపంచ స్థితి, గతులను మార్చే శక్తి ఓటుకు ఉన్నది. ఒక వ్యవస్థకు ప్రజా ప్రతినిధి ఎంత అవసరమో, ఆ ప్రజా ప్రతినిధిని ఎన్నుకునేందుకు ఓటు అంతే అవసరం. ప్రస్తుత రాజకీయ పరిణామాల దృష్ట్యా యువతలో భిన్నాభిప్రాయాలు వ్యక్తమవుతున్నాయి. అయితే మహబూబాబాద్ జిల్లాలో ఓ యువకుడు తనకు మొదటి సరిగా ఓటు హక్కు వచ్చిందని, తన మొదటి ఓటును బీఎస్పీకి వేయాలని నిర్ణయించుకున్నట్లు చెప్పారు. తెలంగాణ యువత అంతా ఆయన వెంటే వెళ్తున్నారంటూ, యువకుడు చేసిన వీడియో సోషల్ మీడియాలో వైరల్‌గా మారి చెక్కర్లు కొడుతోంది. ఈ వీడియోను బీఎస్పీ నేత ఆర్ఎస్ ప్రవీణ్ కుమార్ తన ట్విట్టర్ ఖాతాలో పోస్టు చేశారు. దీంతో కొంతమంది నియంత, నికృష్ట గడిలా పాలనను అంతమోదించేందుకు జ్ఞాన ఖడ్గంతో, బహుజన సైన్యంతో బీఎస్పీ అధినేత ఆర్ ఎస్ ప్రవీణ్ కుమార్ బయలుదేరాడని.. 99శాతం కులాల సంపద దోచుకుంటున్న ఒక్క శాతం కులాలకు ఉక్కు పిడికిలితో పెకిలిస్తామని ట్విట్టర్ వేదికగా నెటీజన్లు రీట్వీట్ చేస్తున్నారు.
Amir of Mahabubabad says he has decided to cast his first vote for BSP. All youth in Telangana are going to follow him. మీ దోపిడి కొట్టాలకు నిప్పులంటుకున్నయ్-మా ఓటు హక్కుతో ఊది -ఊది మండిస్తాం 👊 #bahujanayatra pic.twitter.com/AfW8vPDJld
— Dr. RS Praveen Kumar (@RSPraveenSwaero) March 6, 2022
