బ్రేకింగ్.. పాలిసెట్ నోటిఫికేషన్ రిలీజ్

దిశ, డైనమిక్ బ్యూరో : తెలంగాణలోని పదవ తరగతి ఉత్తీర్ణులైన విద్యార్థులకు పాలిటెక్నిక్‌లలో ప్రవేశాల కోసం నిర్వహించే పాలిసెట్ పరీక్షకు సంబంధించిన నోటిఫికేషన్ గురువారం రిలీజ్ అయ్యింది. దీని ద్వారా రాష్ట్రంలోని పాలిటెక్నిక్ కళాశాలలో, హార్టికల్చర్ డిప్లమా కోర్సు, ఫిషరీస్ డిప్లమా కోర్సులతో పాటు బాసర ఆర్జీయూకేటీ కళాశాలలో అడ్మిషన్ కోసం ఈ ప్రవేశ పరీక్షను నిర్వహిస్తారు. దీనికి సంబంధించి రిజిస్ట్రేషన్ల ప్రక్రియ ఏప్రిల్ 2వ వారం నుంచి మొదలుకానున్నట్లు అధికారులు వెల్లడించారు. అంతేగాకుండా జూన్ 4వ తేదీ వరకు దరఖాస్తులు స్వీకరించనున్నట్లు తెలిపారు. అప్లిక్లేషన్లు స్వీకరించిన అనంతరం జూన్ 30వ తేదీన పాలిసెట్ పరీక్ష నిర్వహించనున్నట్లు చెప్పారు. వీటికి సంబంధించిన ఫలితాలను జూలై రెండో వారంలో విడుదల చేయనున్నారు.