ట్రాక్టర్, బైక్ ఢీ.. యువకుడు స్పాట్ డెడ్..

దిశ, గుడిహత్నూర్: మోటర్ సైకిల్‌ను ట్రాక్టర్ ఢీకొని ఒకరు మృతి చెందగా, ఇద్దరికి తీవ్రగాయాలు అయిన ఘటన జాతీయ రహదారి 44పై సీతాగొంది గ్రామ సమీపంలోని వాఘాపుర్ వద్ద చోటుచేసుకుంది. పోలీసుల వివరాల ప్రకారం.. మండలంలోని రాజీవ్ నగర్‌కు చెందిన చెందిన జళకే నారాయణ (25) మరో ఇద్దరితో కలిసి బైక్‌పై గుడిహత్నూర్ నుండి ఆదిలాబాద్ వైపు వెళ్తున్నారు. ఈ క్రమంలో ఓ ట్రాక్టర్ వాఘాపూర్ యూ టర్న్ వద్ద మలుపు తిరుగుతూ.. వీరి బైక్‌ను వెనుక నుండి ఢీ కొట్టింది. ఈ ప్రమాదంలో జళకే నారాయణకు తీవ్ర రక్త స్రావం అయి సంఘటన స్థలంలోనే మృతి చెందాడు. మరో ఇద్దరు రాయిస్, యాదవ్‌కు తీవ్ర గాయాలు కావడంతో రిమ్స్ ఆసుపత్రికి తరలించినట్లు స్థానిక పోలీసులు తెలిపారు. కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.