రూటు మార్చిన మిల్కీ బ్యూటీ.. తాప్సీని ఆదర్శంగా తీసుకుని!

దిశ, సినిమా : ఇంతకాలం గ్లామర్ పాత్రల్లో మెరిసిన మిల్కీ బ్యూటీ తమన్నా భాటియా రూటు మార్చినట్లు తెలుస్తోంది. యంగ్ హీరోయిన్ల హవా పెరగడంతో విభిన్న క్యారెక్టర్లు చేయడానికి మొగ్గు చూపుతోంది. ఈ క్రమంలోనే మధూర్‌ బండార్కర్‌ దర్శకత్వం వహించిన 'బబ్లీ బౌన్సర్‌' చిత్రంలో ఓ కోటీశ్వరుడికి సెక్యూరిటీ లేడీ బౌన్సర్‌గా నటించి ఫ్యాన్స్‌ను ఆశ్చర్యపరిచింది. ఇకపై కూడా తాప్సీ మాదిరిగా సరికొత్త క్యారెక్టర్లు ఎంచుకోబోతున్నట్లు ఇండస్ట్రీలో టాక్ నడుస్తోంది. ఇక ఈ మూవీని కామెడీతో పాటు యాక్షన్‌ కథా చిత్రంగా రూపొందించినట్లు తెలిపిన దర్శకుడు డిస్నీ ప్లస్‌ హాట్‌స్టార్‌లో సెప్టెంబర్‌లో విడుదల చేయనున్నట్లు తెలిపారు.