బుల్డోజర్‌పై వచ్చిన వరుడు... పోలీసులు చూసి...
దిశ, వెబ్ డెస్క్: ఈ మధ్య పెళ్లికి సంబంధించిన పలు వీడియో సోషల్ మీడియాలో వైరల్ అవుతున్నాయి. తాజాగా కూడా మరో వీడియో వైరల్ అవుతుంది. అయితే, అందరిలా కాకుండా అందులో పెళ్లి కొడుకు బుల్డోజర్ పై ఊరేగుతూ కనిపించాడు. దీంతో పోలీసులు బుల్డోజర్ డ్రైవర్ పై పలు సెక్షన్ల కింద కేసు నమోదు చేసి రూ. 5 వేల జరిమానా విధించారు. ఇందుకు సంబంధించి ఇతర మీడియాలో వచ్చిన కథనం ప్రకారం... మధ్యప్రదేశ్ లోని బేతుల్ జిల్లా కెర్పానీ గ్రామంలో జూన్ 21న ఓ వివాహం జరిగింది. ఈ క్రమంలో భాగంగా ఆరోజు విచిత్రంగా పెళ్లి ఊరేగింపు నిర్వహించారు. అది కూడా బుల్డోజర్ పై పెళ్లి ఊరేగింపు నిర్వహించారు. అది చూసి అందరూ ఆశ్చర్యపోయారు. కారో లేదా గుర్రంపైననో వరుడు వివాహ వేదిక వద్దకు చేరుకుంటాడు కానీ, ఇదేంటి బుల్డోజర్ పై వస్తున్నాడంటూ అందరూ ఆశ్చర్యంగా చూశారు. పలువురు ఇదంతా కూడా వీడియో తీసి సోషల్ మీడియాలో పోస్ట్ చేశారు. దీంతో ఆ వీడియో వైరల్ అవుతూ పోలీసుల కంట పడింది. వెంటనే పోలీసులు స్పందించి ఆ బుల్డోజర్ నడిపిన డ్రైవర్ పై పలు సెక్షన్ల కింద కేసులు నమోదు చేసి రూ. 5 వేల జరిమానా విధించారు.
