శ్రీ అయ్యప్ప సేవా సమితి పురస్కారం అందుకున్న బచ్చు అశోక్
దిశ, కాటారం: దైవ కార్యక్రమాలు సామాజిక సేవా దృక్పథంతో జయశంకర్ భూపాలపల్లి జిల్లాలో దాత గా పేరొందిన వ్యాపారవేత్త బచ్చు అశోక్ తెలంగాణ శ్రీ అయ్యప్ప స్వామి సేవాదళ్ ఐక్యవేదిక పంపిణీ చేసే పురస్కారానికి ఎంపికయ్యారు. ఆదివారం హైదరాబాద్ రవీంద్రభారతిలో నిర్వహించిన తెలంగాణ శ్రీ అయ్యప్ప స్వామి సేవార్ధి ఐక్య వేదిక ఆధ్వర్యంలో రాష్ట్రంలోని పలు జిల్లాల్లో అయ్యప్పస్వామి ఆలయ సేవకులను గుర్తించిన అవార్డు గ్రహీత కార్యక్రమంలో గారేపల్లి శ్రీ ఆనంద ధర్మ శాస్త్ర అయ్యప్ప స్వామి ఆలయం ఎంపికై.. ఆలయ వ్యవస్థాపకుడు శ్రీ బచ్చు అశోక్ గుప్తా ను రాష్ట్ర మంత్రి శ్రీనివాస్ గౌడ్ సన్మానం తో పాటు అవార్డు ను పంపిణీ చేశారు.
ఈ కార్యక్రమంలో మహా సంస్థాన పీఠాధిపతి శ్రీ శ్రీ శ్రీ జగద్గురు పుష్పగిరి శంకరాచార్య, బ్రహ్మ శ్రీ డా"చంద్రమౌళి గురు స్వామి, శ్రీ శ్రీ శ్రీ బ్రహ్మ శ్రీ వెంకటేశ్వర శర్మ గురుస్వామి తదితరులు పాల్గోన్నారు.. దైవ నామస్మరణ తో పాటు పలు సామాజిక సేవా కార్యక్రమాల్లో ముందు ఉండి తన వంతుగా సహాయ సహకారాలు అందిస్తున్న బచ్చు అశోక్ గుప్త గురుస్వామిని సన్మానించడం చాలా అరుదైన గౌరవం దక్కిందని గారెపల్లి శ్రీ ఆనంద ధర్మ శాస్త్ర అయ్యప్ప స్వామి ఆలయ కమిటీ ప్రతినిధులు హర్షం వ్యక్తం చేశారు.
