చెవుల్లో గులాబీ పూలు పెడుతున్నారు.. బీఆర్ఎస్ మ్యానిఫెస్టోపై కిషన్ రెడ్డి రియాక్షన్

దిశ, వెబ్‌డెస్క్: బీఆర్ఎస్ మ్యానిఫెస్టోపై కేంద్రమంత్రి, తెలంగాణ బీజేపీ అధ్యక్షుడు కిషన్ రెడ్డి స్పందించారు. ఇచ్చిన హామీలను అమలు చేయకపోగా ఈ ఎన్నికల మేనిఫెస్టోలో కొత్త హామీలు ఇచ్చారని ఆరోపించారు. కేసీఆర్ సకలజనుల ద్రోహి అని, తెలంగాణ ప్రజల చెవుల్లో గులాబీ పూలు పెడుతున్నారని విమర్శించారు. బెస్ట్ డ్రింకింగ్ పాలసీని అమలు చేస్తున్నారని, కేసీఆర్ సంపద పెంచాలని అంటున్నారని అన్నారు. సంపదను పెంచలేదని, అనినీతిని పెంచారని కిషన్ రెడ్డి విమర్శించారు. కాంగ్రెస్ ఆరు గ్యారెంటీల పేరుతో మోసం చేస్తోందన్నారు.

కేసీఆర్ మరోసారి హామీలను తెలంగాణ ప్రజలను మభ్య పెడుతున్నారని, గత ఎన్నికల్లో హామీలను అమలు చేయలేదని కిషన్ రెడ్డి అన్నారు. అమలుకు నోచుకోని హామీలను ఎన్నో ఇస్తారని, కేసీఆర్ మాటలు, చేతలకు పొంత లేదన్నారు. రాష్ట్రంలో కేసీఆర్ సొంత ఫ్యామిలీ పాలసీని అమలు చేస్తున్నారని ఆరోపించారు. కేసీఆర్ ఇచ్చిన హామీలపై చర్చకు సిద్దమా? అని ప్రశ్నించారు.