Encounter: జమ్ము కశ్మీర్‌‌లో భారీ ఎన్కౌంటర్.. ఇద్దరు ఉగ్రవాదులు హతం
దిశ, వెబ్‌డెస్క్: జమ్ము కశ్మీర్‌(Jammu and Kashmir)లోని శ్రీనగర్‌(Srinagar)లో భారీ ఎన్కౌంటర్(Encounter) జరిగింది. భద్రతా బలగాలు, ఉగ్రవాదులకు మధ్య శనివారం ఎదురుకాల్పులు చోటుచేసుకున్నాయి. ఈ ఎన్కౌంటర్(Encounter)లో ఇద్దరు ఉగ్రవాదులు(Terrorists) హతం అయ్యారు. ఈ విషయాన్ని భద్రతా బలగాలు నిర్ధారించాయి. ప్రస్తుతం ఇంకా కూంబింగ్‌ కొనసాగుతున్నట్లు సమాచారం. ఇదిలా ఉండగా.. దీపావళి(Diwali) వేళ జమ్ముకశ్మీర్‌(Jammu and Kashmir)లో ఉగ్రవాదుల భారీ కుట్రకు ప్లాన్ చేసిన విషయం తెలిసిందే.
దీనిని భద్రతా బలగాలు వ్యూహాత్మకంగా భగ్నం చేశాయి. సరిహద్దులో తిష్టవేసిన 60 మంది ముష్కరుల చొరబాటును సైన్యం తిప్పికొట్టింది. అఖ్నూర్‌ సెక్టార్‌లో జరిగిన ఎన్కౌంటర్(Encounter)లో ముగ్గురు ఉగ్రవాదులు హతమయ్యారు. అమెరికాలో తయారైన రైఫిళ్లతో పాటు అధునాతన ఆయుధాలను ఆర్మీ సీజ్‌ చేసింది. అఖ్నూర్‌ సెక్టార్‌లో రెండు రోజుల పాటు భారీ ఎన్కౌంటర్ కొనసాగింది. భద్రతా బలగాల కాల్పుల్లో ముగ్గురు ఉగ్రవాదులు హతమయ్యారు. కొంతమంది ఉగ్రవాదులు పారిపోయినట్టు ఆర్మీ అనుమానిస్తోంది.
