POCSO case : 13ఏళ్ల బాలికపై గ్యాంగ్ రేప్... ఐదుగురిపై పోక్సో కేసు
దిశ, దోమ: మైనర్ బాలికపై ఐదుగురు వ్యక్తులు( ఇద్దరు మేజర్ ముగ్గురు మైనార్లు ) లైంగిక దాడికి పాల్పడిన సంఘటన దోమ పోలీస్ స్టేషన్ పరిధిలో చోటుచేసుకుంది. దోమ ఎస్ఐ ఆనంద్ కుమార్, గ్రామస్తులు తెలిపిన వివరాల ప్రకారం.. దోమ మండల పరిధిలోని గుండాల్ గ్రామానికి చెందిన ఎనిమిదో తరగతి చదువుతున్న ఓ బాలిక(13)తో అదే ఊరికి చెందిన సంతోష్ తో చనువుగా ఉండేవారు.అదే అదును చూసుకుని గత నెల 28న పాఠశాల నుంచి ఇంటికి వచ్చిన తర్వాత సాయంత్రం బాలికకు మాయమాటలు చెప్పి సంతోష్ తన ఇంటిలోకి తీసుకువెళ్లాడు. అప్పటికే ప్రీ ప్లాన్ తో ఉన్న ముగ్గురు మైనర్లు, ఇద్దరు మేజర్లు బాలికపై లైంగికదాడికి పాల్పడ్డారు.
బాధిత బాలిక ఆలస్యంగా రాత్రి ఇంటికి వెళ్లడంతో తల్లిదండ్రులు ప్రశ్నించగా జరిగిన ఘోరాన్ని తల్లిదండ్రులకు చెప్పుకొని భోరుమంది. బాధితురాలి తల్లిదండ్రులు అదే రోజు రాత్రి పోలీసులకు ఫిర్యాదు చేశారు. నిందితులను పోలీసులు అదుపులోకి తీసుకున్నారు. బాలికను సఖి సెంటర్ కు తరలించి, వైద్య పరీక్షలు చేయించారు. ప్రస్తుతం బాలిక రెండు నెలల గర్భిణి అని వైద్యులు నిర్ధారించారు. నిందితులను డీఎస్పీ కస్టడీలో విచారణ చేసి కోర్టులో హాజరు పరిచారు. నిందితులపై పోక్సో చట్టం తో పాటు 96, 172, 127, 76, 351 సెక్షన్ల కింద కేసులు నమోదు చేసినట్లు దోమ ఎస్సై ఆనంద్ కుమార్ తెలిపారు. గంజాయి మత్తులో బాలికపై లైంగిక దాడికి పాల్పడినట్లు ఆరోపణలు వినిపిస్తున్నాయి.
