మైలార్దేవుపల్లిలో పేలుడు కలకలం…పూజారి సుగుణ రామ్ కు తీవ్ర గాయాలు

దిశ, శంషాబాద్ : ఓ దేవాలయం పక్కనే ఒక్కసారిగా పేలుడు తీవ్ర కలకలం సృష్టించిన ఘటన మైలార్ దేవుపల్లి పోలీస్ స్టేషన్ పరిధిలోని లక్ష్మి గూడలో చోటు చేసుకుంది. రాజేంద్రనగర్ ఏసీపీ శ్రీనివాస్ తెలిపిన వివరాల ప్రకారం… సోమవారం ఉదయం మైలార్దేవుపల్లి పోలీస్ స్టేషన్ పరిధిలోని లక్ష్మీ గూడ లో ఉన్న శ్రీ శ్రీయాదే మాత దేవాలయం పక్కన ఉదయం ఆలయ పూజారి సుగుణరాం చెట్ల పొదలు క్లీన్ చేస్తుండగా ఒక్కసారిగా బ్లాస్టింగ్ జరిగింది. ఈ పేలుడులో బాలయ్య పూజారి సుగుణరాంకు తీవ్ర గాయాలు కావడంతో ఆసుపత్రికి తరలించారు. పోలీసులు ఘటన స్థలానికి చేరుకొని డాగ్ స్వ్కాడ్, బాంబు స్క్వాడ్ తో క్షుణ్ణంగా తనిఖీలు నిర్వహించి ఆధారాలు సేకరించామని, సేకరించిన ఆధారాలను ల్యాబ్ కు పంపించామని తెలిపారు. వచ్చిన రిపోర్ట్ ఆధారంగానే దేనివల్ల పేలింది, ఎందుకు తేలింది అనే దానిపై దర్యాప్తు చేస్తున్నామన్నారు. మైలార్దేవుపల్లి డివిజన్ లక్ష్మీ గూడా లో దేవాలయం పక్కన పేలుడు జరిగిన విషయాన్ని తెలుసుకొని స్థానిక కార్పొరేటర్ తోకల శ్రీనివాస్ రెడ్డి, ఇతర నాయకులు, ప్రజలు పెద్ద ఎత్తున చేరుకున్నారు.