వైఎస్ షర్మిల కండ్లు ఉండి చూడలేని పరిస్థితిలో ఉంది : టీఆర్ఎస్ నాయకులు
దిశ, కోటగిరి : మండల కేంద్రంలో ఏర్పాటు చేసిన విలేకరుల సమావేశంలో టీఆర్ఎస్ నాయకులు మాట్లాడుతూ శనివారం వైఎస్ షర్మిల పాదయాత్రలో ఆరోపణలపై కోటగిరి మండల టీఆర్ఎస్ నాయకులు స్పందించారు. వారు షర్మిల చెప్పినవన్నీ పూర్తిగా అవాస్తవమని ఆమె కండ్లు ఉండి కూడా చూడలేకపోతున్నారని అన్నారు. బాన్సువాడ నియోజకవర్గంలో ప్రజలు ఎంతో అభివృద్ధికి దిశగా ఉన్నారని అన్నారు. మీ నాన్న హాయంలోనే ఇసుక మాఫియా మొదలైందని టీఆర్ఎస్ నాయకులు పేర్కొన్నారు.
బాన్సువాడలో ఇప్పటివరకు పదివేల డబుల్ బెడ్ రూమ్ ఇల్లు కట్టించామని అన్నారు. నియోజకవర్గంలో రోడ్లన్నీ చెక్కుచెదరకుండా ఉన్నాయని, పంటపొలాలకు అధిక దిగుబడి వస్తుందని, రైతులు ఆనందంగా ఉన్నారని అన్నారు. ప్రతి ఇంటికి కేసీఆర్ ప్రవేశపెట్టిన కళ్యాణ లక్ష్మి, షాదీ ముబారక్ కేసీఆర్ కిట్ సంక్షేమ పథకాలు ఏదో ఒక రూపంలో ప్రతి ఇంటికి చేరుతున్నాయని తెలిపారు. షర్మిల పాదయాత్రకు స్పీకర్ అవసరం లేదని టీఆర్ఎస్ నాయకులు అంతా వస్తామని అభివృద్ధిని చూపిస్తామని అన్నారు.
