ఆర్మూర్ లో మల్లారెడ్డి చెరువు శుభ్రం

దిశ, ఆర్మూర్ : ఆర్మూర్ మున్సిపల్ పట్టణ కేంద్రంలో మల్లారెడ్డి చెరువును శుక్రవారం పరిశుభ్రపరిచారు. ఆర్మూర్ మున్సిపల్ చైర్ పర్సన్ వన్నెల్ దేవి లావణ్య అయ్యప్ప శ్రీనివాస్, లిక్విడ్ ట్రీ ఢిల్లీ ఎన్సీఆర్ బృంద సభ్యుల సంయుక్త ఆధ్వర్యంలో..ఆర్మూర్ లోని మల్లారెడ్డి చెరువును పరిశుభ్రపరిచారు. మొదట చెరువులోని వ్యర్ధాలను మున్సిపల్ పారిశుద్ధ్య సిబ్బంది తొలగించారు. ఈ సందర్భంగా లిక్విడ్ ట్రీ ఢిల్లీ ఎన్సీఆర్ బృంద సభ్యులు సైనోబ్ బ్యాక్టీరియా పై పరిశోధన నిమిత్తం ఆర్మూర్లోని మల్లారెడ్డి చెరువును పరిశీలించారు. ఈ కార్యక్రమంలో ఆర్మూర్ మున్సిపల్ వైస్ చైర్మన్ షేక్ మున్న, కౌన్సిలర్ కోలు గంగా మోహన్ చెక్రు, మున్సిపల్ డిఈ భూమేశ్వర్, ఎన్విరాన్మెంట్ ఇంజనీర్ లిక్కి పూర్ణ మౌళి, మున్సిపల్ వర్కర్స్ అసోసియేషన్ అధ్యక్షులు బాబురావు, మున్సిపల్ పారిశుద్ధ్య కార్మికులు పాల్గొన్నారు.