కాంగ్రెస్ పార్టీని గెలిపించాలి.. ఎన్నికల ప్రచారంలో అన్వేష్ రెడ్డి..
దిశ, ఆర్మూర్ : కాంగ్రెస్ పార్టీని మహారాష్ట్రలో త్వరలో జరగబోయే అసెంబ్లీ ఎన్నికల్లో గెలిపించాలని తెలంగాణ రాష్ట్ర విత్తనాభివృద్ధి సంస్థ కార్పొరేషన్ చైర్మన్ సుంకిట అన్వేష్ రెడ్డి మహారాష్ట్రలోని తెలుగు ప్రజలను కోరారు. మహారాష్ట్ర ఎన్నికల ప్రచారంలో భాగంగా చిమూర్ నియోజకవర్గ పరిధిలో శుక్ర, శనివారాల్లో తాలూకా స్థాయి, పంచాయతీ స్థాయి నాయకులతో కలిసి ప్రచారానికి సంబంధించిన అంశాల పై తెలంగాణ విత్తనాభివృద్ధి సంస్థ చైర్మన్, తెలంగాణ కిసాన్ కాంగ్రెస్ చైర్మన్ అన్వేష్ రెడ్డి సమీక్ష నిర్వహించారు. ప్రతికాంగ్రెస్ నాయకులు, కార్యకర్తలు ఇంటింటికి తిరుగుతూ కాంగ్రెస్ పార్టీని గెలిపించాలని ప్రజలను కోరాలని, సోషల్ మీడియాలో కాంగ్రెస్ పార్టీ సోషల్ మీడియా ప్రతినిధులు కాంగ్రెస్ పార్టీ చేపట్టబోయే అంశాల గురించి విస్తృతంగా ప్రచారం చేయాలన్నారు. ఈ కార్యక్రమంలో మహారాష్ట్రలోని చీమూరు అసెంబ్లీ నియోజకవర్గ కాంగ్రెస్ పార్టీ నాయకులు పాల్గొన్నారు.
