ఘనంగా కార్తీక పౌర్ణమి పూజలు

దిశ,కనగల్లు: మండలంలోని ధర్వేశిపురం శ్రీ రేణుక ఎల్లమ్మ అమ్మవారి ఆలయంలో కార్తీక పౌర్ణమి సందర్భంగా భక్తులు ప్రత్యేక పూజలు చేశారు. ఆలయానికి వేకువజాము నుంచి పెద్ద సంఖ్యలో భక్తులు తరలివచ్చి, పుణ్యస్నానాలు చేసి పూజలు చేస్తున్నారు. ఆలయంలోని శివుడి విగ్రహం వద్ద భక్తులు పూజలు నిర్వహించారు. శివనామస్మరణతో ఆలయం మార్మోగింది. ఆలయం వద్ద వేపరావి చెట్టు వద్ద పూజలు చేసి..దీపాలు వెలిగించారు. దీపో ఉత్సవంతో దేవాలయ ప్రాంగణం కలకలాడింది. ఆలయంలో కుంకుమార్చనలు, గోత్రనామాలు, పూజా కార్యక్రమాలు నిర్వహించారు. భక్తులు పెద్ద ఎత్తున పాల్గొన్నారు. చీరే,సరే, బోనాలు మేకపోతులతో అమ్మవారికి నైవేద్యంగా సమర్పించారు. ఆలయ అర్చకులు భక్తులకు ఆలయం వద్ద తీర్థప్రసాదాలు అందజేశారు. ఆలయం వద్ద భక్తులకు ఇబ్బంది కలగకుండా ఆలయ అధికారులు అన్ని ఏర్పాట్లు చేశారు. ఆలయ అర్చకులు, అధికారులు తదితరులు పాల్గొన్నారు.