సరదాగా బయటకు వెళ్లి..అదృశ్యం

దిశ, చౌటుప్పల్ టౌన్: యాదాద్రి భువనగిరి జిల్లా చౌటుప్పల్ మండల కేంద్రంలో బండి కృష్ణ (19) అనే యువకుడు అదృశ్యమైనట్టు చౌటుప్పల్ పోలీస్ సబ్ ఇన్స్పెక్టర్ యాదగిరి తెలిపారు. ఈ నెల 11న సాయంత్రం ఇంట్లో నుంచి బయటికి వెళ్లిన బండి కృష్ణ మళ్లీ ఇంటికి తిరిగి రాలేదన్నారు. రోజులాగే సరదాగా బయటికి వెళ్లిన తన కొడుకు ఇంటికి తిరిగి రాకపోవడంతో..అతని తల్లి ఎల్లమ్మ కొడుకు జాడ కోసం బంధువులు, స్నేహితుల ఇళ్లల్లో ఆరా తీసినా ఫలితం దక్కలేదు. ఇంట్లో నుంచి బయటికి వెళ్లిన కొడుకు 4 రోజులు గడచిపోతున్నా..ఇంటికి తిరిగి రాకపోవడంతో కంగారు పడిన ఎల్లమ్మ శుక్రవారం సాయంత్రం చౌటుప్పల్ పోలీసులను ఆశ్రయించింది. ఎల్లమ్మ ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్టు ఎస్.ఐ. శ్రీనివాస్ తెలిపారు.