Ministers : లక్ష్మీనరసింహుడిని దర్శించుకున్న మంత్రులు తుమ్మల, కోమటిరెడ్డి, సీతక్కలు

దిశ, వెబ్ డెస్క్ : యాదగిరిగుట్ట(Yadagirigutta)శ్రీ లక్ష్మీనరసింహ(Lakshmi Narasimha swamy) స్వామిని మంత్రులు తుమ్మల నాగేశ్వర్ రావు(Tummala Nageswara Rao), కోమటిరెడ్డి వెంకట్ రెడ్డి(Komatireddy Venkat Reddy), సీతక్క(Seethakka)లు దర్శించుకుని ప్రత్యేక పూజలు చేశారు. ఆలయానికి వచ్చిన మంత్రులకు స్థానిక ఎంపీ చామల కిరణ్ కుమార్ రెడ్డి, ఎమ్మెల్యే బీర్ల అయిలయ్య యాదవ్, కలెక్టర్ హనుమంతరావు, ఈవో భాస్కర్ రావు, ఆలయ అర్చక బృందం అధికారిక లాంఛనాలతో స్వాగతం పలికారు.

గర్భాలయంలో స్వామి వారి దర్శనానంతరం మంత్రులకు అర్చక బృందం వేదాశీర్వచనం పలికారు. కార్తీక మాసం సందర్భంగా స్వామివారిని దర్శించుకున్నట్లుగా మంత్రులు వెల్లడించారు. ఇటీవల సీఎం రేవంత్ రెడ్డి యాదగిరి గుట్ట సందర్శన సందర్భంగా చేసిన ఆలయ అభివృద్ధి సమీక్ష మేరకు పనులు కొనసాగుతాయని స్పష్టం చేశారు.