ల్యాప్ ట్యాప్ దొంగల ముఠా అరెస్ట్..
దిశ, కుత్భుల్లాపూర్: సీసీఎస్ మాదాపూర్, కేపీహెచ్ బీ పోలీస్ స్టేషన్ పరిధిలో ల్యాప్ ట్యాప్ చోరీలకు పాల్పడుతున్న ముఠాను పోలీసులు అరెస్ట్ చేశారు. బాలానగర్ జోన్ డీసీపీ తెలిపిన వివరాల ప్రకారం.. తమిళనాడు రాష్ట్రానికి చెందిన నలుగురు యువకులు ఈజీ మనీ కోసం సైబరాబాద్ పరిధిలో ల్యాప్ ట్యాప్ చోరీలకు పాల్పడుతున్నారు.
విశ్వసనీయ సమచారం మేరకు మాదాపూర్ సీసీఎస్, కేపీహెచ్ బీ పోలీసులు జీ వడివేల్(27), మరియప్పన్(28), సత్తివేలు(23), సత్యరాజ్(20) అను నలుగురు యువకులను పటాన్ చెరు గ్రామంలో ఒక గదిలో ఉండగా కేపీహెచ్ బీ పోలీసులు అదుపులోకి తీసుకున్నారు. నిందితుల నుంచి 3 ల్యాప్ ట్యాప్, 2 సెల్ ఫోన్లు, రూ.5లక్షలు నగదు స్వాధీనం చేసుకున్నారు. ఈజీ మనీ కోసం ఈ నలుగురు వివిధ హాస్టళ్లలో ల్యాప్ ట్యాప్ చోరీలు చేసి విక్రయిస్తున్నారని, వీరిపై సైబరాబాద్ పరిధిలోని 17 పోలీస్ స్టేషన్లలో కేసులు నమోదై ఉన్నాయని డీసీపీ వివరించారు.
